Фото: Республиканың фән һәм мәгариф министры Кукмарага килде

Бу атнада безнең районга эш сәфәре белән республиканың фән һәм мәгариф министры Рафис Борһанов, аның урынбасарлары, республика Министрлар Кабинеты аппаратының төзелеш, транспорт, элемтә, торак-коммуналь хуҗалыгы идарәсе җитәкчесе Илдар Сибгатуллиннар килде. Сәфәрнең максаты - быел районыбызда булачак республика август киңәшмәсенә әзерлек. 20дән артык кешедән торган делегация Манзарас урта мәктәбендә, күппрофильле лицейда, беренче гимназиядә, "Йолдызчык" балалар бакчасында, "Галактика иҗат академиясендә булды. Кунакларны район башлыгы Сергей Димитриев, мәгариф идарәсе җитәкчесе Роберт Мансуровлар озатып йөрделәр.