Чит ил паспорты булган илебезнең һәр кешесенә икенче чит ил паспорты ясалырга мөмкин

Илебездән чыгу һәм керү турындагы федераль законга үзгәреш кертелү сәбәпле, хәзер чит ил паспорты булган илебезнең һәр кешесенә икенче чит ил паспорты ясалырга мөмкин. Бу үзендә электрон мәгълүмат йөртүче яңа буын паспорты булачак. Шул ук вакытта ике чит ил паспортының да куллану вакытлары бер-берсенә бәйле түгел: икенче паспорт 10 елга бирелә. 2016 елда Хаҗга җыенучыларның исләренә төшерәбез: Согуд Гарәбстаны патшалыгы таләбе буенча әлеге илгә керү Россия гражданнарына бары тик яңа буын чит ил паспортлары белән генә рөхсәт ителә.

Айрат ҖИҺАНШИН, Кукмара районы буенча федераль миграция хезмәте идарәсе җитәкчесе