Быел районда 25 Кәрим, 28 Сәйдә дөньяга килгән

Районыбызда быел нинди исемнәр популяр икән?

-Без ай саен статистика алып барабыз, - диләр район ЗАГС бүлеге хезмәткәрләре. - Сабыйларга Самат, Әмир, Тимур, Искәндәр, Самир, Кәрим, Кирилл, Никита, Мурат, Сафия, Ясминә, Мәликә, Сәйдә, Камилә, Арина, Мария дигән исемнәр бик күп кушыла. Сирәк очрый торган исемнәр исә - Диас, Идрис, Сәйдәш, Аслан, Эрнест, Афина, Язгөл, Ева, Аиша. Нинди исем сайлыйм икән, дип икеләнүчеләр өчен без үз киңәшләребезне бирә, исем китаплары, әдәби белешмәләр дә тәкъдим итә алабыз. Вакыт узгач, исемне алыштырып мәшәкатьләнгәнче, балага беренче көненнән үк яңгырашлы, мәгънәле исем кушарга кирәк.