“Аргамак” командасы армрестлинг буенча республика ярышларыннан өченче урын белән кайтты (+Фото)

Якынлашып килүче инвалидлар көне уңаеннан Биектау районының "Байтик" сәламәтләндерү лагеренда армрестлинг буенча республика ярышлары үтте. Анда районыбызның "Аргамак" командасы да катнашты. 70 килограммнан югары үлчәүдәге хатын-кызлар арасында Кукмарадан Ләбибә Талипова беренче урынны алды. Коляскалы хатын-кызлар арасында Әсән-Елга авылында яшәүче Миннегөл Семенова өченче урынга чыкты. Ир-егетләребезнең дә уңышлары сөенерлек. Ош.Юмьядан Валерий Николаев - икенче, Кукмарадан Илмир Владимировлар өченче урыннарны алдылар. Мәгъсүм Сәлимгәрәев, Камил Хәйруллин, Рәис Шакиров, Илгиз Әхмәдуллиннар командагы өстәмә очколар китерделәр. Районыбыз командасы өченче урын белән кайтты. Команданы Валентина Борисова тәкъдим итте. Бу хакта район инвалидлар җәмгыяте рәисе Равил Нигъмәтҗанов хәбәр итте.