Телеграм-канал ярдәмендә Кукмара районында өч исерек шофер ачыкланган

Узган елның октябрендә эшли башлаган телеграм-канал ярдәмендә Кукмара районында өч исерек шофер ачыкланган. Бу турыда «Хезмәт даны» газетасы редакциясенә Кукмара районы ЮХИДИ бүлегеннән хәбәр иттеләр.

«Исерткеч эчемлекләр кулланган хәлдә руль артына утырган шоферларны күргән очракта район халкы бу турыда телеграм-канал аша хәбәр итә һәм юлларда фаҗигаләр килеп чыгуны булдырмый кала ала. Хәзерге вакытта аның аша ЮХИДИ адресына 8 хәбәр керде, 3се расланды», - дип билгеләп үттеләр район дәүләт автоинспекциясендә.

Исерек шоферлар яисә юл йөрү кагыйдәләрен җитди бозучылар турындагы хәбәрләрне KukmorGIBDD телеграм-каналына җибәрергә яисә 02, (884364)2-70-80 телефоннары буенча шалтыратып әйтергә мөмкин. Анонимлык гарантияләнә.
 

фото: скриншот