Кукмарада юл фаҗигасенә очраган мотоциклчы дәваханәдә вафат булган

Кукмара районы үзәк дәваханәсендә юл һәлакәтенә очраган мотоциклчы егетнең гомере өзелгән. Бу турыда Кукмара районы ЮХИДИ бүлекчәсендә хәбәр иттеләр.

3 июльдә, сәгать 7.20дә Кукмараның Ворошилов урамы, 21нче йорт янында 18 яшьлек мотоциклчы егет руль белән идарә итүен югалта һәм юл читенә төшә.

Мотоциклчы авыр җәрәхәтләр ала. Фаҗига урыныннан аны дәваханәгә алып китәләр. Шунда аның гомере өзелә.

Татарстан ЮХИДИ исегезгә төшерә: юл-транспорт һәлакәтләрендә зыян күрүчеләр булган очракта, ашыгыч хезмәтләрне чакырту өчен, 112 бердәм телефон номеры аша мөрәҗәгать итәргә кирәк.

фото: Кукмара районы ЮХИДИ бүлекчәсе