Кукмара районында өлкән яшьтәге кеше велосипед белән идарә итүне югалта һәм трактор тәгәрмәчләре астында һәлак була

Кукмара районында өлкән яшьтәге велосипедчы трактор тәгәрмәчләре астында һәлак булган. Бу хакта район ЮХИДИ бүлеге башлыгы Фирдүс Фәхретдинов хәбәр итте.

«Авария 8 август көнне Мамадыш-Кукмара-Әсән Елга автомобиль юлының 2нче чакрымында була. Беренчел мәгълүматлар буенча, каршы як полоса буенча велосипедта хәрәкәт иткән 1963нче елны ир-ат, идарәне югалта һәм „Беларус“ тракторының прицеп тәгәрмәчләре астына керә», — дип сөйләде Фирдүс Фәхретдинов.

Нәтиҗәдә, велосипедчы вакыйга урынында вафат була.

Юл-транспорт һәлакәтенең сәбәпләре ачыклана.

Фото: Кукмара районы ЮХИДИ бүлеге