Юл фаҗигасе Оштырма Юмья — Яңа Комар автомобиль юлының 5 чакрым + 500 метрында була.
Кукмара районында булган юл-транспорт һәлакәтендә зыян күрүче бар. Бу хакта район Дәүләт автоинспекциясендә хәбәр иттеләр.
Юл һәлакәте быелның 3 ноябрендә 07.05 сәгатьтә Кукмара районының Оштырма Юмья — Яңа Комар автомобиль юлының 5 чакрым + 500 метрында килеп чыга.
Беренчел мәгълүматлар буенча, Киа Рио автомобилен йөртүче 1991 елгы хатын-кыз, иминлекне тәэмин итүче тизлекне сайламыйча, руль белән идарә итүен югалта һәм юл читенә төшә.
Юл-транспорт һәлакәте нәтиҗәсендә машина йөртүче Кукмара үзәк район дәваханәсенә озатыла.
Фото: Зөлфәт Мөхәммәтҗанов
«Кукмор Татарстан» МАКС каналына язылыгыз
Нет комментариев