Татарстан синоптиклары яңгыр, юеш кар, томан һәм бозлавык хакында кисәтә
Республикада һава температурасы +5 градустан артмаячак.
Иртәгә, 18 ноябрьдә, Татарстан территориясендә дымлы һәм болытлы һава торышы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада яңгыр һәм юеш кар ява. Төнлә һәм иртән урыны белән томан төшәчәк, юлларда бозлавык барлыкка килә, дип кисәтә синоптиклар.
Һава торышының үзгәрүе салкын атмосфера фронтының үтүе белән бәйле була.
Төнге сәгатьләрдә термометрның терекөмеш баганасы -2 градуска кадәр төшә. Көндез һава температурасы 0..+5 градус тәшкил итә. Республиканың көнбатышында һәм көньяк-көнбатышында – җылырак, көньяк-көнчыгышында салкынрак була.
фото: Эльвира Мөбарәкшина/ "Хезмәт даны"
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев