Сергей Димитриев районыбызның мөселманнарын Ураза бәйрәме белән котлады

Район башлыгы Сергей Димитриев районыбызның мөэмин-мөселманнарын изге Ураза гаете белән котлады.

«Рамазан аеның нигезендә игелек, шәфкатьлелек, якыннарың турында кайгыртучанлык кебек гомумкешелек кыйммәтләре ята. Шунысы куанычлы: дин тотучылар  рухи-әхлакый нигезләргә һәрвакыт тугрылыклы, алар ислам дине традицияләрен кадерләп саклый, шул ук вакытта заман таләпләренә дә җавап бирә. Быел пандемия белән бәйле шартларда узган Рамазан аенда  күпләр җанына тынычлык алды, гаилә кыйммәтләре тагын да ныгыды, халкыбызда бер-береңә карата кайгыртучанлык, ярдәмләшү кебек сыйфатлар ачыграк чагылды. Бу бәйрәм алга таба да җәмгыятебездә игелек-мәрхәмәтлелек һәм рухи байлык артуга китерсен», - диелгән әлеге котлауда.