Райондашлырыбызга дәүләт бүләкләре тапшырылды

Күпьеллык намуслы хезмәте һәм актив җәмәгать эшчәнлеге өчен район инвалидлар оешмасы рәисе Нигъмәтҗанов Равил Абдулла улы Татарстан Республикасының “Фидакарь хезмәт өчен” медале белән бүләкләнде.

***

Авыл хуҗалыгы производствосында күпьеллык намуслы хезмәте өчен “Яңа Тормыш” җәмгыятенең баш агрономы Габделхаков Айдар Габделхәй улына – “Татарстан Республикасының атказанган агрономы”, республиканың агросәнәгать комплексын үстерүгә өлеш кертүләре һәм күпьеллык намуслы хезмәтләре өчен “Урал” җәмгыятенең склад мөдире Исрафилова Минзилә Шәрип кызына, “Рассвет” хуҗалыгы җитәкчесе Михайлов Леонид Моисеевичка “Татарстан Республикасының атказанган авыл хуҗалыгы хезмәткәре” дигән мактаулы исем бирелде.