Кукмараның бер авылында ишегалды корылмалары янган һәм капкага зыян килгән

Кукмара районының бер авылында килеп чыккан янгын ишегалды корылмаларын юк итә һәм агачтан ясалган капкага зыян китерә. Бу турыда Кукмара районының 117нче янгын-сак частеннән хәбәр иттеләр.

Бүген сәгать 6.47дә 117нче янгын-сак частенә аерым пост начальнигыннан янгын чыгу, аның алга таба Кукмара районының Мәчкәрә авылындагы Үзәк урамдагы торак йортка таралу куркынычы булу турында хәбәр алына.

Янгын сүндерүчеләр килгәндә 1,5 квадрат метр мәйданда ишегалды корылмалары яна торган була, аның башка урынга күчү куркынычы булмый.

Нәтиҗәдә2,5 квадрат метр мәйданда ишегалды корылмалары һәм агач капка кара күмергә әйләнә. Зыян күрүчеләр һәм һәлак булучылар юк.

фото: 117нче янгын-сак частеннән