Кукмарада күпкатлы йортларның берсендә янгын булган

20 июнь көнне 20 сәгать 25 минутта Глонасс-112 системасы буенча 117нче янгын сүндерү-коткару частеның элемтә пунктына Кукмара шәһәренең Ворошилов урамы буенча урнашкан йортларның берсендә янгын чыгуы турында хәбәр килеп ирешә.
Янгын сүндерү бүлекчәләре килеп җиткәндә, йортның өченче һәм дүртенче катында бераз төтенләнү күзәтелә, ярдәм сораучылар булмый. Биредә яшәүчеләр фатир эчендә беркем дә юклыгын, утны кул астындагы чаралар белән сүндерүләрен аңлата. Нәтиҗәдә фатирда диван янган була.