Кукмарада ир-ат кибеттән спиртлы эчемлекләр урлаган

“Акча юк, ә организм сорый”, – сентябрь аенда Кукмараның бер кибетеннән күпләп спиртлы эчемлекләр урлаган каракның аклану җавабы әнә шундый була.

- Әлеге ир кеше алдан уйлап эш итә. Таң алдыннан битенә маска киеп, тәрәзәне вата да кибет эченә үтә. Аннан сумкасына берсеннән-берсе кыйммәтле спиртлы эчемлекләр тутыра һәм ул урыннан кача. Элегрәк тә хөкем ителгән Кукмара егете шул ук көнне “кайнар эз”ләр буенча тоткарланды. Ул үз гаебен таныды, вакыт бик аз үткәнлектән, товарны файдаланырга, үзе әйтмешли, эчәргә өлгермәгән иде. Шунлыктан эчемлекләр тулысынча кибеткә кире тапшырылды, - ди район эчке эшләр бүлегенең полиция начальнигы урынбасары Илгиз Әхәтов. – Әлеге япь-яшь егеткә суд каршында җавап бирергә туры киләчәк. 

Фото: Ильнар Тухбатов