Күренекле татар язучысы Шаһинур Мостафин вафат

Озакка сузылган каты авырудан соң күренекле татар язучысы Шаһинур Мостафин бүген иртәнге сәгать 5тә вафат булган. Бу яңалыкны «Татар-информ» хәбәрчесенә Татарстанның Язучылар берлеге матбугат үзәге җиткерде.

«Хушлашу бүген Казанның 7нче хастаханәсендә була. Мәрхүмне туган авылында — Мамадыш районы Арташ авылында җирләячәкләр. Халкыбызга ихлас хезмәт иткән бала күңелле зур шәхеснең урыны җәннәттә булсын», - диләр Язучылар берлегендә.

фото: «Татар-информ»