Республикада төнлә кырау төшүе ихтимал
23 сентябрьдә төнлә Татарстан территориясендә урыны белән һавада минус 1 градуска кадәр, туфракта минус 2 градуска кадәр кырау төшү ихтимал. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.
Көндез термометр баганалары +4...+9 градуска кадәр күтәреләчәк.
23 сентябрьдә шулай ук бераз яңгыр, урыны белән юеш кар көтелә. Көньяк-көнчыгыштан төньяк-көнбатышка таба күчә торган талгын җил фаразлана. Урыны белән көчле җил күзәтелә. Көчәйгәндә җилнең тизлеге секундына 15-20 метрга кадәр җитәргә мөмкин.
фото: Эльвира Мөбарәкшина/ "Хезмәт даны"
«Кукмор Татарстан» МАКС каналына язылыгыз
Нет комментариев