Хезмәт даны
  • Рус Тат
  • Меңнән бер эш (шигырь)

    Ана күңеле - тулы борчу, өметсезлек Яшьле күзләр газизендә, билгесезлек. Бала күңеле бикле аңа - кара урман, Серле күзләр, аңлап булмый, бар да томан. Шомлы тынлык, бар да баскан, күзләр алда - Горур баскан, "дело" тоткан казый анда. Рәт-рәт итеп бер сулыштан күз дә какмый Сафка баскан сүзләр белән карар...

    Ана күңеле - тулы борчу, өметсезлек

    Яшьле күзләр газизендә, билгесезлек.

    Бала күңеле бикле аңа - кара урман,

    Серле күзләр, аңлап булмый, бар да томан.

    Шомлы тынлык, бар да баскан, күзләр алда -

    Горур баскан, "дело" тоткан казый анда.

    Рәт-рәт итеп бер сулыштан күз дә какмый

    Сафка баскан сүзләр белән карар укый.

    Ана тыңлый, ана елый, ана сорый:

    Минем хәлне аңла зинһар, аңла, казый.

    Газиз балам, бердәнберем, бер ялгышкан -

    Китеп булмый, качып булмый бит язмыштан.

    Бу мәхшәрдә ана сүзен кем ишетсен,

    Бала хәлен аннан башка кем аңласын.

    Кем коткарсын газизкәен бу сазлыктан,

    Узмышлар бир, я ходаем, бу язмыштан.

    Кинәт тынлык, яктыргандай булды дөнья:

    Казый туктый, карарына нокта куя.

    Бала чыга, төшә богау кулларыннан,

    Өнме, төшме, аңламыйдыр шатлыгыннан.

    Ана күңеле - тулы шатлык, бәхетлелек,

    Яшьле күзләр газизендә, түземсезлек.

    Бернигә дә карамыйча алга чапты,

    Газизкәен, бердән-берен ана кочты.

    Берөзлексез әйтә үзе рәхмәт сүзен,

    Аңладылар, аңладылар ана сүзен.

    Тик аңласын иде бердәнбере - баласы да

    Үз халәтен, ана хәлен, карар сүзен.

    Ана өчен, бала өчен зур вакыйга,

    Тормышында, язмышында гомерлек эз.

    Ә казыйга гади бер көн - көндәлек эш,

    Тагын көтә сандыгында меңләгән эш.

    Заһид САФИН, Кукмара

    фото: https://yandex.ru/clck/redir

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: