Татарстанда коронавирус белән зарарлануның 54 яңа очрагы ачыкланган

Татарстанда соңгы тәүлектә Covid-19ның 54 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 30 кеше хастаханәгә озатылган, калган 24 кеше өендә дәвалана. Барысы да элемтә юлы белән инфекция йоктыручылар.
Авыручыларның күбесе Казанда – 35 кеше. Яр Чаллы шәһәрендә – 6, Яшел Үзәндә – 5, Питрәчтә – 2, Апас, Буа, Биектау, Кама Тамагы, Мамадыш, Түбән Камада – берәр.

Татарстанда бүгенге көнгә кадәр барлыгы Covid-19ның 3351 очрагы расланган.

фото: «Татар-информ»

«Кукмор Татарстан» МАКС каналына язылыгыз