Янил мәктәбендә узган “Соңгы кыңгырау”дан фоторепортаж

23 май көнне Янил урта мәктәбендә чыгарылыш сыйныф укучыларының "Соңгы кыңгырау" бәйрәме үткәрелде. Чарада мәктәп директоры-РавильЗарипов, Вахитов исемендәге хуҗалык рәисе Нәфыйк Хөсәенов, Янил авыл җирлеге башлыгы Илгизәр Корбанов, әти-әниләр, укытучылар, укучылар, мәктәп коллективы, 2013-2014 елның чыгарылыш сыйныф укучылары катнашты, җылы тәбрикләүләрен җиткерделәр. Бу елны 11 сыйныфны 11 кыз тәмамлый (сыйныф җитәкчеләре-Надежда Васильева) һәм алар зур уңышларга ирештеләр. Мәктәп директоры еллык нәтиҗә ясап, уңышларга ирешкән укучыларга, аларның укытучыларына, авыл җирлеге башлыгы сәнгать өлкәсендә зур өлеш керткән укучыларга Мактау грамоталары тапшырдылар. Бәйрәмнең икенче өлеше актлар залында мәктәп укучылары көче белән әзерләнгән зур концерт белән дәвам итте.