Сәрдекбашта хисап җыелышы узды (+фото)

Сәрдекбаш авыл җирлегендә район башкарма комитетының 2014 елгы эш нәтиҗәләренә кагылышлы хисап җыелышы үтте. Анда җирлек башлыгы Илгиз Нәбиев, Сәрдекбаш урта мәктәбе директоры Фәнис Нәбиев, участок инспекторы Марс Хисмәтуллин, район социаль яклау бүлеге җитәкчесе Светлана Җамалиева, полиция начальнигы Айдар Бариев, җир һәм милек мөнәсәбәтләре палатасы начальнигы Марсель Төхбәтуллин, Исток Агро оешмасы җитәкчесе Илнур Шәрәфиев, район Пенсия фонды идарәсе җитәкчесе Әлфинур Сабитовалар чыгыш ясады. Район җитәкчесе Сергей Димитриев 2014 елда районда башкарылган эшләр белән таныштырды, максат һәм бурычларны билгеләп үтте.