Кукмараның "Выше радуги" ансамбле Кырымда чыгыш ясый

Республикабыз Президенты Рөстәм Миңнеханов кушуы буенча "Йолдызлык- 2014" телевизион җыр-бию фестивале җиңүчеләре - барлыгы 170тән артык бала Кырым республикасында чыгышлар ясыйлар. Алар арасында Кукмара балалар сәнгать мәктәбенең "Выше радуги" вокаль-хореографик ансамбле дә (җитәкчесе Республиканың атказанган мәдәният хезмәткәре Венера Гыйлаҗева) бар. Алар Севастополь шәһәренең флот офицерлары йортында үткән концерт программасында катнашып, чыгыш ясадылар инде. Берничә көннән Бакчасарай шәһәрендә һәм данлыклы "Артек" балалар үзәгендә үзләренең осталыкларын күрсәтәчәкләр, дип хәбәр итте безгә балалар сәнгать мәктәбе директоры Дамир Рафиков.

фото: http://crimea.kz/52095-Kerchane-v-konkurse-Yunyiy-virtuoz-zanyali-1-i-2-mesta.html