Кукмарада 15 майга кадәр янгынга каршы махсус режим кертелде

Россия Гадәттән тыш хәлләр министрлыгының Кукмарадагы күзәтү бүлекчәсе Татарстан Министрлар Кабинеты карары белән 25 апрельдән 15 майга кадәр янгынга каршы аерым режим кертелүен хәбәр итә.

Авыл җирлекләрендә, предприятие-оешмаларда, шәхси хуҗалыкларда бу чорда учак ягу, үсемлек сабакларын, коры үлән һәм чүпләрне яндыру, башка янгын куркынычы булган эшләр башкару катгый тыела.

Янгыннарга каршы аерым режим чорында югарыда күрсәтелгән таләпләрне бозучыларга карата РФ Административ хокук бозулар Кодексында каралган чаралар күреләчәк: гражданнар ике меңнән алып дүрт мең сумга, җитәкчеләр унбиш меңнән утыз мең сумга, юридик затлар дүрт йөз меңнән биш йөз мең сумга кадәр штрафка тартылачак.

фото: http://www.gfiso.ru/index.php?id=28&page=59