Кукмара киез итек-киез комбинатында станокка имгәнгән ир-атның гомере больницада өзелгән

16 гыйнвар көнне төнге сәгать уникенче яртыларда Кукмара киез итек-киез комбинатында коточкыч фаҗига була. 52 яшьлек ир-ат үзенең хезмәттәше белән станок ремонтлаган вакытта имгәнү ала. Авыр хәлдә район үзәк дәваханәсенә китерелгән ирнең төнге сәгать беренче яртыларда гомере өзелә. Хәзерге вакытта техника куркынычсызлыгы һәм хезмәтне саклау кагыйдәләренең үтәлмәү факты буенча тикшерү алып барыла, дип хәбәр итте Арча районара тикшерү бүлеге тикшерүчесе Диләрә Мортазина.

Әлеге ирнең гаиләсе, якыннары һәм туганнарының авыр кайгыларын уртаклашабыз.

фото: http://carplace.net/page/119/