"Кояшкай" балалары "Гаҗәеп босоножка" сәгатендә катнашты

Кукмараның "Кояшкай" социаль приютында тәрбияләнүче балалар Нурминкә елгасы буенда оештырылган "Гаҗәеп босоножка" дигән сәламәтләндерү сәгатендә катнаштылар. Биредә балалар аякларны инеш суы белән чыныктыру, су процедуралы аша инммунитетны булдыру һәм суның шифалы үзлекләре турында әңгәмә-күнегүләр башкардылар. Шулай ук, "Кояшкай" тәрбиячеләре балаларга кояшта кызган комның кеше организмына китерә торган файдасы, массаж ысуллары турында да сөйләде. Балалар биредә төрле физик күнегүләр башкарып, спортның йөрәк-кан эшчәнлегенә, кәеф күтәренкелеге, тулаем сәламәтлеккә файдасы турында да файдалы мәгълүматлар алдылар.

Фото tkrassvet.com сайтыннан алынды