Кол Шәриф мәчете - бишенче урында

Россия символлары булырдай тарихи һәм мәдәни объектларны сайлау өчен оештырылган "Россия 10" проектының беренче этабы тәмамланды. Һәр федераль округтан 10 объект икенче турга узды. Алар арасында Кол Шәриф мәчете дә бар. Тавышлар саны буенча ул бишенче урында. Аның өчен 210 мең 682 мәртәбә тавыш биргәннәр. Кичә проектның икенче этабы башланды. Монысында финалга чыгачак 30 объект сайланачак. Хәзер www.10russia.ru сайтында һәм SMS ярдәмендә дә тавыш бирергә мөмкин. Тавыш бирү 1 сентябрьгә кадәр дәвам итәчәк.

фото: http://halal.kg/main/prazdnik/page/2/