Ашыгыч ярдәм хезмәтләренә шалтыратканда берле санын өстәргә онытма

Россия Элемтә министрлыгының барлык ашыгыч ярдәм хезмәтләре өчен яңа телефон номерлары кертү турындагы карары 27 гыйнвардан үз көченә керде. Ияләнгән номерлар алдына 1ле цифры өстәлеп, хәзер коткаручыларга, янгын сүндерүчеләргә -101, полициягә -102, "Ашыгыч ярдәм"гә -103, газ челтәренең авария хезмәтенә -104, "Бала куркыныч хәлдә" линиясенә тоташу мөмкинлеге - 121 һәм 123 номерларына шалтыратырга кирәк. Элеккеге 01, 02, 03, 04 номерлары белән дә хәзергә элемтәгә чыгарга була. Ашыгыч ярдәм хезмәтләренең бердәм номеры - 112 дә гамәлдә кала.

фото: http://vashgorod.ru/news/13185