Хезмәт даны

Кукмара районы

Рус Тат
Көн темасы

Фоторепортаж: Кукмарада “Созвездие-Йолдызлык” фестиваленең зона этабы башланды һәм ул өч көн дәвам итәчәк

Анда җиде районнан килгән меңнән артык яшь талант чыгыш ясаячак

Бүген район Мәдәният йортында “Созвездие-Йолдызлык” XIX ачык республика телевизион яшьләр фестиваленең зона этабы башланды. Анда Кукмара, Әтнә, Арча, Балтач, Биектау, Саба, Теләче районнарыннан килгән меңнән артык яшь талант катнаша. Алар үз районнарын Казанның “Уникс” күңел ачу комплексында тәкъдим итү өчен көч сынаша.

Фестивальнең ачылу тантанасында кунакларны район башлыгы исеменнән аның урынбасары Равия Каримуллина сәламләп, матурлык һәм сәнгать бәйрәме белән тәбрикләде. Шулай ук ул “Созвездие-Йолдызлык” республика фестивале хәрәкәте продюсеры Дмитрий Тумановка рәхмәт сүзләрен ирештерде.

- Конкурс үз тирәсенә талантлы балаларны җыя һәм аларга үзләрен күрсәтергә, алга таба да үсәргә, яңа дуслар табарга зур мөмкинлекләр ача, - диде ул. – Бәйрәмне ел саен үткәрү безнең гореф-гадәтләрне генә саклап калмый, ә балалар һәи мәдәният учреждениеләрен яңа талантлар беләнтагын да тулыландыра.

Чарада катнашучыларны сәнгать бәйрәме белән фестивальнең жюри рәисе, Россиянең халык артисты Зилә Сөнгатуллина да тәбрикләде.

Реклама

- Яз җитү белән безнең фестиваль бар Татарстанны колачлап ала, ул тормышыбызның бизәге булып хезмәт итә. Балалар, без сезне яратабыз, уңышлар телибез, - диде ул.

Фестиваль Кукмарада өч көн дәвам итәчәк.

фото: Фәнил Мәрсетдинов

«Кукмор Татарстан» Telegram-каналга язылыгыз

Следите за самым важным и интересным в Telegram-каналеТатмедиа

Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

4CQwVszH9pQMsE8swWi