«Демография» илкүләм проекты буенча быел 82 500 өлкән кеше диспансеризация узган

«Демография» илкүләм проекты буенча быел 82 500 хезмәткә сәләтле яшьтән өлкәнрәк граждан диспансеризация узды. Ел ахырына кадәр 323 580 татарстанлыга тикшерү үткәрү планлаштырыла, дип яза «Татар-информ».

«Өлкән буын» төбәк проектын гамәлгә ашыру кысаларында 2020 елда Казанда «Сугыш ветераннары өчен госпиталь» дәүләт автоном сәламәтлек саклау учреждениесе гериатрия үзәге ачылды. Татарстанда барлыгы 170 гериатрик урын булдырылдырылып, аларда 1988 пациент дәваланды.

«Балалары туган гаиләләргә финанс ярдәм» төбәк проектын гамәлгә ашыру кысаларында 36 099 бала сөт продукциясе белән бушлай тәэмин ителде. Шулай ук 147 млн. сумга экстракорпораль орлыкландыруның 1328 процедурасы үтәлде.

Илкүләм проектлар Россия Президенты тәкъдиме белән 2019 елдан башлап тормышка ашырыла.