Саранлыкмы бу, әллә тәрбиясезлекме?

Эштән кайтып барыш. Күзем Кукмараның халык телендә «четвертый номер» дип йөртелүче микрорайонында урнашкан чүп савытлары янында торган җиңел машинага төште. Шоферы машинасының багажнигын ачты да, пакет-пакет чүбен контейнерга бушатты. Айга ике тапкыр "Экосервис" оешмасы эшчеләре капка төбебездән килеп чүпләрне алып китәләр, ләбаса. Бу кешенең машинасына бензин салып йөрергә акчасы бар, ә ай саен, гаиләдәге кеше санына карап, 29ар сум түләргә мөмкинлеге юктыр дип "жәлләп" куйдым үзен. Безнең урамда да "Экосервис" белән килешү төземичә чүпләрен машиналарына төяп алып китүчеләр бар. Алар да чүп полигонына барып тормый, урамдагы контейнерга гына тотып аталар. Саранлыкмы бу, әллә тәрбиясезлекме?

фото www.google.ru