Кукмараның Планетарная урамындагы даруханә яңадан кайчан ачылыр икән?

Безнең Планетарная урамында җыйнак кына даруханә ачылган иде. И, сөенде инде халык, чөнки даруханәләр барысы да үзәк урамда урнашкан. Безгә аларга барып җитәр өчен шактый гына юл үтәргә туры килә. Бигрәк тә олыларга, яшь балалы гаиләләргә уңайсыз. Аптека хезмәткәре Гөлнара да бик җайлы, ягымлы иде. Бик ярата идек без аны. Барлык даруларны да ничек кабул итәсен аңлатып, кәгазьгә язып бирә, кан басымын да үлчи иде. Кая китте икән безнең Гөлнарабыз? Даруханә яңадан кайчан ачылыр икән?

Пенәгәр ягындагы урамнарда яшәүче халык исеменнән Кәүсәрия МИННЕГАЛИЕВА