Басма сүз зур көчкә ия, ди ветеран хәбәрче

Әтисе сугышка киткәндә ана карынында калып, аны бер тапкыр да күрергә өлгермичә, әтиле малайларга кызыгып, кагылу-сугылуларны күреп үскән егет тормышта барыбер югалмаган. Читтән торып, Казан дәүләт университетын тәмамлаганнан соң, 45 ел буе мәктәптә химия-биология фәннәрен укыткан. Шуның утыз елы дәвамында Кукмара беренче мәктәбендә директор урынбасары вазыйфасын башкарган, үзенә йөкләнгән җәмәгать эшләрен дә тиешенчә үтәгән. Хөкүмәт бүләкләре дә, мактаулы исемнәре дә бихисап.

Газетабыз белән дуслыгы да бик күптән башланган.

-Җиденче сыйныфта укыган чагымда беренче язмамны юлладым, - дип сөйли ул, карашын каядыр еракка, әйтерсең, үткәннәргә төбәп. - Авылдан ерак түгел уҗым басуы бар иде, шунда маллар җибәрелеп, басуның тапталуы турында тәнкыйть язмасы иде ул. Бастырып чыгардылар. Ул вакытта газетаның мөхәррире Әнвәр Хуҗиев икәне истә. Өебезгә авыл советы рәисе килде. "Нәрсә яздың син, малай? Үз малыгыз да шунда йөри бит", - дип гаеп такмакчы булды. Әмма шуннан соң басуда малларны күрмәдем. Басма сүзнең зур көчкә ия икәнен аңладым шул чакта.

Үзе сугыш чоры баласы булганлыктан, күбрәк шушы теманы якын иткән Салихҗан абый. Язу сәләтен күреп, ул чакта район газетасында эшләгән күренекле язучы Шаһинур Мостафин, аны хуплап, язарга этәргеч биргән. Газетаның үз хәбәрчесе Зөфәр абый Гомәров та, булдырасың дип, үсендереп торган.

70нче еллар. Салихҗан абый туган авылына чираттагы ялга кайта.

Язманы тулысынча "Хезмәт даны" газетасында укый аласыз.