Кукмарада март аенда 39 исерек шофер правасыз калган

Район юл хәрәкәте иминлеге дәүләт инспекциясеннән алынган мәгълүматларга караганда, март аенда Кукмарада зыян күрүчеләр белән 3 юл фаҗигасе булган, аларда өч кеше төрле тән җәрәхәтләре алган. 16 яшькә кадәрге балалар катнашында бер бәхетсезлек очрагы теркәлгән.

-Тиешле тизлекне сакламаган өчен - 452, юлның каршы як полосасына чыккан өчен - 26, җәяүлеләргә юл бирмәгән 128 шоферга беркетмә төзелде. Юл йөрү кагыйдәләрен бозган 215 җәяүле штрафка тартылды, - ди ЮХИДИ начальнигы Фирдүс Фәхретдинов. - Март аенда исерткеч эчемлекләр кулланып руль артына утырган 39 шофер, ЮХИДИ штрафларын түләмичә йөргән 85 шофер ачыкланды.

Исерткеч эчемлекләр кулланып рульгә утыручыларның, штрафларын түләмәүчеләрнең исемлеге белән әлеге сылтама http://gibdd.tatarstan.ru/rus/dangerous_driver аша кереп танышырга мөмкин.

ЮЛЛАРДА ҺӘРКЕМНЕҢ ИГЪТИБАРЛЫ ҺӘМ САК БУЛУЫН СОРЫЙБЫЗ!!!