Кукмарада дәүләт автоинспекциясе хезмәткәрләре мәгариф учреждениеләре янында «Куркынычсыз юл» акциясен үткәрделәр

«Игътибар-балалар» оператив — профилактик чарасы кысаларында Белем көнендә Кукмара мәктәпләрендә «Куркынычсыз юл» акциясе үткәрелде.

ЮХИДИ һәм районның «Юл хәрәкәте куркынычсызлыгы» учреждениесе хезмәткәрләре балаларга, укытучыларга һәм ата-аналарга шәһәрнең мәгариф учреждениеләре янындагы җәяүлеләр юлларын игътибарлы үтәргә кирәклеген искәрттеләр.

Машина йөртүчеләргә дә иң күп җәяүлеләр җыелган зоналарны узганда бик сак булырга кирәк.

Шулай ук беренче сыйныф укучылары өчен юлларда куркынычсызлык кагыйдәләре турында профилактик әңгәмә үткәрелде. Балаларга яктылыкны кире кайтаручы элементлар таратылды.

Фото: район ЮХИДИ хезмәте