Кукмара районында балаларны мәктәпләргә йөртү өчен 15 автобус билгеләнгән

-Автобусларның һәммәсе дә "ГЛОНАСС+112" элемтә системасы приборлары, видеотеркәү җайланмасы, тахографлар белән җиһазландырылган һәм алар "Балаларны йөртү өчен автобуслар" Дәүләт стандартларына туры киләләр. Автобус шоферлары исә "Кукмор-Транс" җәмгыятендә көндәлек медицина тикшеренүләре уза, - ди ЮХИДИ начальнигы Фирдүс Фәхретдинов. - Әмма кайбер маршрутларда балаларны утырту һәм төшерү өчен тукталыш павильоннары, шулай ук транспортка әйләнеп узу өчен мәйданчыклар юк. Быелның август аенда уздырылган тикшерү вакытында Югары Чура, Каенсар, Поч.Кучукта мондый төр кимчелекләр күзәтелде.