Кукмара районында узган рейд вакытында Дәүләт автоинспекторлары юл йөрү кагыйдәләрен бозуның 8 очрагын ачыклаган

30 майда 8.00 сәгатьтән 10.00 сәгатькә кадәр Кукмараның Магистральный урамында  Дәүләт автоинспекторлары, участок инспекторлары белән берлектә, «Тоннель» операциясен үткәрде. Бу хакта районның Дәүләт автоинспекциясендә хәбәр иттеләр.

Рейд барышында юл хәрәкәте кагыйдәләрен бозуның 8 очрагы ачыкланган. Алар арасында түбәндәгеләр бар:  укылмый торган дәүләт номерлары булган транспорт чарасы белән идарә итү (2 очрак), иминлек каешы куймау, җәяүлеләрнең кагыйдәләрне үтәмәве (3әр очрак).

Районның Дәүләт автоинспекциясе машина йөртүчеләрне мондый төр массакүләм тикшерү эшләренең даими рәвештә алып барылачагын искәртә.