Автобус зебрада 70 яшьлек ир-атны бәрдерткән

Юл-транспорт һәлакәтләре нәтиҗәсендә өлкән яшьтәге ирнең балтыр сөяге сынган.

(Казан, 26 апрель, "Татар-информ"). 25 апрель көнне Казан шәһәренең Мәскәү районында пассажир автобусы 70 яшьлек ир-атны бәрдерткән, дип хәбәр иттеләр "Татар-информ"га Россия Эчке эшләр министрлыгының республика буенча ЮХИДИ бүлеге матбугат хезмәте.

45 яшьлек "МАЗ" автобусын йөртүче, Беломорск һәм Гудованцев урамнарының чатына борылганда, пенсионерны бәрдерткән. Карт кеше юлны махсус җәяүлеләр чыга торган җирдән кисеп чыккан була.

Юл-транспорт һәлакәтләре нәтиҗәсендә өлкән яшьтәге ир-атка табиблар "балтыр сөяге ачык сыну" диагнозын куйган.