Татарстанда Сабан туе көннәре билгеле

Татарстан Рәисе Рөстәм Миңнеханов республикада Сабан туе көннәре турында карарны имзалады, дип яза «Татар-информ» МА.

«Җирле үзидарә органнары тәкъдимнәрен исәпкә алып, «Сабантуй» татар милли бәйрәмен түбәндәге көннәрдә уздырырга», диелә документта.

Шулай итеп Сабан туе көннәре түбәндәгечә була:

• Татарстан авылларында, район үзәкләрендә 10-11 июньдә;
• Чаллыда 17 июньдә;
• Казанда 24 июньдә.

Рөстәм Миңнеханов Татарстан Министрлар Кабинетына җирле идарә органнары белән бергә бәйрәм чараларын уздыруны оештыруны йөкли.

Фото: Эльвира Иванова/ «Хезмәт даны»