Татарстанда Covid-19 авыруының 40 яңа очрагы ачыкланган

Татарстанда соңгы тәүлек эчендә Covid-19 белән зарарлануның 40 яңа очрагы ачыкланган. Бу хакта коронавирус буенча оператив штаб хәбәр итә, ди «Татар-информ». 

8 кеше дәваханәгә салынган, 32се җиңел яки симптомсыз формада өйләрендә дәвалана. Барлык очраклар да авырулар белән якыннан аралашканнан соң эләктерелгән.

Казанда – 10, Чаллыда – 12, Түбән Кама районында – 11, Тукай районында – 2, Азнакай, Әлмәт, Биектау, Лениногорск, Питрәч районнарында берәр очрак ачыкланган.

Татарстанда бу вакыт эчендә 4192 кешедә Covid-19 теркәлгән, 3059 кеше терелгән. 

фото: «Татар-информ»