Татарстанда бер атна эчендә сигез кеше алкоголь белән агуланган

17-23 ноябрь көннәрендә Татарстанда сигез кеше алкоголь һәм спиртлы эчемлекләр белән агуланган. Роспотребнадзорның ТР буенча идарәсе матбугат хезмәте хәбәр итә, дип яза «Татар-информ» МА.

Бу чорда химик этиология белән кискен агулануның барлыгы 49 очрагы теркәлгән. Шул ук вакытта химик агуланулар күбрәк ир-атларда (65,3%) очраган, хатын-кызларда (34,7%) бу күрсәткеч азрак булган.

Ведомство хәбәр иткәнчә, күпчелек агулану алкоголь куллану сәбәпле килеп чыккан (44,4%). Башка очраклар даруларны ялгыш куллану (33,3%), аларның үзләштерә алмау яки тискәре йогынтысы (11%) һәм башка сәбәпләр (11,3%) белән бәйле.

Фото: «Татар-информ» МА