Мәмәшир авылы китапханәсенә Тапкыр абый кунакка килде

Мәмәшир авылы китапханәсендә башлангыч класс укучылары белән “Тапкыр абый бездә кунакта” исемле кичә үткәрелде. Кичәгә кунак булып серле янчык күтәргән Тапкыр абый килде. Кунак балаларның зирәклеген тикшерде, бергәләп бик күп табышмакларга җаваплар эзләнде. Балалар үзләре дә Тапкыр абыйларын табышмаклар белән сынады. Ә серле янчыктан балаларга бүләкләр һәм татар халкының “Табышмаклар” китабы чыкты. Китапханәче “Табышмаклар” китабы белән тирәнтен таныштырып, пропагандалады. Соңыннан бергәләп татар халык уеннары уйналды.