Мин дә балаларымны Кукмара музыка, спорт мәктәпләренә йөртер идем, әмма үзем дә, әтиләре дә көне буе эштә

Хәзер күп балалар мәктәптән тыш вакытларын файдалы үткәрә: спорт секцияләренә, төрле түгәрәкләргә йөри. Моның өчен шәһәребездә мөмкинлекләр дә бар: музыка, сәнгать, спорт мәктәпләре эшли. Аларга үзәктә яшәүче балалар үзләре килсә, читтәге микрорайонда яки авылларда яшәүчеләрне әти-әниләре машина белән йөртә. Мин дә балаларымны музыка, спорт мәктәпләренә йөртер идем, әмма үзем дә, әтиләре дә көне буе эштә, әби-бабайларыбыз юк. Балалар әле кечкенә, үзләрен генә чыгарып җибәрәсе килми. Шуңа башкаларга кызыгырга гына кала. Минем бер үтенечем бар: Нур Баян микрорайонында яшәүче укучылар өчен Кукмараның 3нче яки Манзарас мәктәпләренең берсендә өстәмә белем бирү учреждениеләренең филиалларын ачып булмыймы? Өч бала әнисе