Кукмаралылар “Илһамият” конкурсында катнашты

Кукмара балалар музыка мәктәбе, район һәм Вахит авылы мәдәният йорты укучылары Казанда узган “Илһамият” халыкара сөйләм һәм җыр сәнгате конкурсында катнаштылар. “Җыр сәнгате” номинациясендә “Сандугач” вокаль ансамбле - икенче, Мәдинә Хәсәнова - өченче дәрәҗә лауреат, Яна Трисова, Ралина Нуриева беренче дәрәҗә дипломант булды. “Шигырь сәнгате” номинациясендә Азалия Шәмсетдинова - икенче дәрәҗә лауреат, Мәдинә Хәсәнова беренче дәрәҗә дипломант исемен яулады. Җитәкчеләре - Земфира Юзмеева, Нияз Кәримуллин.

Әлеге чарада Кукмара балалар сәнгать мәктәбе укучылары да катнашып, “Вокал башкару” номинациясендә Азат Фатхуллин - 3 дәрәҗә лауреат, Рисана Хантимирова - беренче, “Сөйләм башкару” номинациясендә Булат Корбанагалиев һәм Элина Глухова дуэты, Эрик Ющик, Ислам Хәбибуллин, Сиринә Мөбарәкшина, Сәид Нәҗиповлар өченче дәрәҗә дипломга лаек булды. Җитәкчеләре – Лилия Хөснетдинова, Дания Хәбибуллина.