Кукмарада үги әтисенә үтерү белән янаган һәм сәламәтлегенә җиңелчә зыян китергән өчен ир-атны хөкем итәчәкләр

Кукмара районы прокуратурасы 31 яшьлек кукмаралыга карата ачылган җинаять эше буенча гаепләү нәтиҗәсен раслады. Ул РФ ҖКның 119 маддәсе, 1 өлешендә (үтерү белән янау яки сәламәтлеккә авыр зыян китерү), РФ ҖКның 115 маддәсе, 2 өлеше, «в» пунктында (әйберләр кулланып, аңлы рәвештә сәламәтлеккә җиңелчә зыян китерү) каралган җинаять кылуда гаепләнә. 

Гаепләнүче 2024 елның 15 февралендә кич белән үз өендә, исерек хәлдә үги әтисе белән талаша. Конфликт вакытында ул аңа агач урындык белән ташлана һәм үтерү белән яный.

Ир-ат үз гаебен тулысынча таный. 

Җинаять эше җәмәгать судына җибәрелде.