Кукмарада торак йортта янгын чыккан: кухня өлешенә зыян килгән

14 сентябрьдә сәгать 16.39да районның янгын сүндерү-коткару частенең элемтә пунктына телефоннан Кукмараның Чернышевский урамындагы торак йортның тәрәзәсеннән көчле төтен чыгу турында хәбәр алына. Бу хакта районның 117нче янгын сүндерү-коткару частеннән хәбәр иттеләр. 

Янгын сүндерү бүлекчәсе хезмәткәрләре килгәнче ялкын телләрен йортта яшәүчеләр үзләре сүндерә.

Аш-су бүлмәсе җиһазы, көнкүреш техникасы яна, 4 квадрат метр мәйданда стена һәм түшәмгә зыян килә. 

Фаҗига буенча тикшерү эшләре бара. Кешеләр зыян күрми.

фото: районның 117нче янгын сүндерү-коткару часте