Кукмарада террорчылыкка каршы комиссиянең киңәйтелгән утырышы узды
Көн тәртибендә өч мәсьәлә каралды.
Бүген район Мәдәният йортында комиссия рәисе Сергей Димитриев җитәкчелегендә террорчылыкка каршы комиссиянең киңәйтелгән утырышы булды.
Район эчке эшләр бүлеге начальнигы урынбасары вазыйфаларын башкаручы Ленар Закиров БРИКС дәүләтләре башлыклары очрашуы вакытында иминлекне тәэмин итү буенча өстәмә чаралар турында сөйләде.
Район мәгариф идарәсе җитәкчесе Илфат Әхмәдуллин һәм Лубян урман-техник көллияте директорының тәрбия эшләре буенча урынбасары Наталья Сираҗетдинова мәгариф сферасында һәм яшьләр арасында террорчылык, неонацизм идеологиясенә каршы тору эшчәнлеген оештыру һәм аның торышы турында сөйләделәр.
Районның социаль яклау бүлеге җитәкчесе Регина Мусина социаль яклау учреждениеләрендә «аерым игътибар» категориясендәге кешеләр белән профилактик эш нәтиҗәләренә тукталды. Һәр гаиләгә кураторлар беркетелгән, эшкә урнашуда, шулай ук ташламалар алуда ярдәм күрсәтелә.
фото: Эльвира Миннәхмәтова/ «Кукмара-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев