Кукмарада террорчылыкка каршы комиссиянең чираттагы утырышы узды

Район Мәдәният йорты бинасында террорчылыкка каршы комиссиянең чираттагы утырышы узды.

Көн тәртибендә түбәндәге мәсьәләләр каралды: Россия Федерациясе Президентын сайлауга әзерлек һәм аны үткәрү чорында террорчылык актларын кисәтү һәм куркынычсызлыкны тәэмин итү буенча өстәмә чаралар, җәлеп ителгән объектларның террорчылыкка каршы сакланышын көчәйтү; муниципаль мәгариф оешмалары җитәкчеләре тарафыннан районда террорчылыкка каршы комиссиянең мәгариф учреждениеләрендәге иминлекне тәэмин итүгә юнәлдерелгән элек кабул ителгән карарларының тулылыгы һәм үтәлеш сыйфаты турында.

Утырышта район Башкарма комитеты җитәкчесе Азат Гарифуллин, район эчке эшләр бүлеге начальнигы урынбасары Ленар Закиров, районара күзәтчелек эшчәнлеге бүлеге начальнигы Нурфат Яппаров, мәгариф идарәсе җитәкчесе Илфат Әхмәдуллинның чыгышлары тыңланды.

Фото: Илнар Гаязов