Кукмарада коткаручылар фатирда бикләнеп калган өлкән яшьтәге ханымга ярдәмгә килгән

Кукмарада коткаручылар үз фатирында бикләнеп калган өлкән яшьтәге ханымга ярдәм итте, дип хәбәр иттеләр 117 янгын-коткару частенда.

9 декабрь көнне 13.12 сәгатьтә ГЛОНАСС+112 системасы буенча Кукмара шәһәренең Гафиятуллин урамында өлкән яшьтәге хатын-кыз яшәгән фатир ишеген ачарга кирәклеге турында хәбәр килеп ирешә.

Чакыру урынына килеп, коткаручылар өч буынлы баскыч ярдәмендә 3нче катка күтәреләләр һәм, инструментлар белән балкон ишеген ачып, фатирда калган хатын-кызга ярдәм итәләр.

фото: янгын-коткару часте