Кукмарада яшәүче Вера Пелевина бүген 90 яшьлек юбилеен билгеләп үтә

Вера Ивановнага район башлыгы киңәшчесе Равия Каримуллина җылы теләкләрен җиткереп, Россия Президентының котлау открыткасын, Район башлыгының Рәхмәт хатын, истәлекле бүләк тапшырды. Шулай ук социаль яклау бүлеге җитәкчесе Регина Мусина, киез итек-киез комбинаты хезмәткәре Ирина Кисиль дә юбилярга үзләренең тәбрикләүләрен ирештерделәр.
Вера Ивановна тумышы белән Мәскәү каласыннан. Язмыш җилләре яшьли ятим калган кызны Кукмарага алып килә. 15 яшеннән  киез итек-киез комбинатына эшкә урнашып, алдынгы хезмәткәрләр рәтендә булып, мастер дәрәҗәсенә күтәрелеп  лаеклы ялга чыккан ул.Ике балага гомер биргән. Хәзерге вакытта  кызы Любовь Шамилевна  гаиләсендә яши.