Кукмарада «Чиста уеннар» дигән экологик чара үтте

Кукмараның чаңгы базасында «Чиста уеннар» дигән экологик чара үтте. 

Җәмәгатьчелек игътибарын табигатьнең пычрану проблемасына җәлеп итү максаты белән оештырылган чарада катнашучылар, җирле табигый территорияләрне чистартып, чүп тутырылган капчыклар саныннан чыгып куелган балларны күбрәк туплау һәм иң яхшы команда исеменә лаек булу өчен тырышты, бүләкләргә ия булды. 

27 команда тарафыннан бер сәгать эчендә барлыгы 148 капчыкта 1003 килограмм чүп-чар җыелды.
 

фото: https://vk.com/public209269290