Сәнәгать паркының территориясе 36 гектар мәйданны били.
Район башлыгы Сергей Димитриев «Кукмара» сәнәгать паркында булып, анда урнашкан оешма-предприятиеләрнең эшчәнлеге белән танышты. Биредә ниләр генә җитештерелми: заманча савыт-саба, пластик эшләнмәләр, бетон, хәтта көймәләр дә ясыйлар.
«Сәнәгать паркының территориясе 36 гектар мәйданны били. Анда федераль, республика программалары ярдәмендә 306 миллион сумлык инфраструктура-төзелеш эшләре башкарылды. Бүгенге көндә сәнәгать паркында барлыгы 11 резидент теркәлде, хәзерге вакытта аларның 6сы үз эшчәнлеген башлап җибәрде. Алар барлыгы 800 миллион сумнан артык инвестиция кертте», — диде район Башкарма комитеты җитәкчесе урынбасары Чулпан Хәнәфина.
Фото: Ризилә Корбанова/ «Хезмәт даны»
Нет комментариев